Հոնկոնգի իշխանությունների կողմից ձերբակալված Չինաստանի քաղաքացին ավիացիոն արտադրամասեր արտադրող FACC ընկերության դեմ կիբերհարձակման մասնակից է: Հարձակման հետեւանքով ավստրիական ընկերությունն ավելի քան 47 մլն դոլարի վնաս է կրել: Այս մասին գրում է ՌԻԱ Նովոստին՝ վկայակոչելով Reuters-ը:
Հուլիսի սկզբին Հոնկոնգում տեղակայված ընկերության 32-ամյա սեփականատիրոջը ձերբակալել են՝ փողերի լվացման մեղադրանքով: Ավելի ուշ պարզվել է, որ 2016 թվականի հունվարին նա կոտրել է FACC-ի ղեկավարության էլեկտրոնային փոստը եւ ընկերության աշխատակիցներին նամակներ ուղարկել՝ խնդրելով ֆինանսական միջոցները փոխանցել այլ ընկերությունների հաշվեհամարների:
Նշված գումարից ավելի քան 11 մլն դոլարը հաջողվել է հայտնաբերել մի քանի երկրների բանկերում եւ սառեցնել:
Մայիսին FACC ընկերությունը, որի հաճախորդների թվում են նաեւ Boeing-ը եւ Airbus-ը, միջադեպի պատճառով աշխատանքից հեռացրել են գլխավոր տնօրեն Վալտեր Ստեֆանին: