Իտալիայում երկրաշարժի հետեւանքով տասնյակ տաճարներ եւ մշակույթի այլ օբյեկտներ են վնասվել: Այս մասին հայտարարել է երկրի մշակույթի նախարար Դարիո Ֆրանչեսկինին:
Ըստ Ansa-ի՝ երկրաշարժից առավելապես տուժած Ամարտիչե քաղաքում փլուզվել են Սան Ֆրանչեսկո եւ Սանտո Ագոստինո մայր տաճարները, Սան Ջովանի, Սանտա Անիեզե, Սանտա Մարիա դել Սուֆրաջո, Սան Ջուզեպե, Սան Էմիդիո եկեղեցիները: Լրջորեն տուժել են Հռոմեական եւ Ասկոլիական դարպասները, քաղաքացիական աշտարակը, գրադարանը, թանգարանը: Ոչնչացել է Սան Ֆրանչեսկոյի կամարը:
Վնասվել են նաեւ Ուրբանո, Արկատա դել Տրոնտո, Ասկոլի, Մոնտեգալո, Մոնտեմոնակո, Տոլենտինո, Սան Ջինեզիո քաղաքների մի շարք եկեղեցիների եւ այլ կառույցների պատեր:
