Թեհրանը հերքել է Եմենին զենքի մատակարարման Վաշինգտոնի մեղադրանքները: Իրանի արտգործնախարար Մոհամմադ Ջավադ Զարիֆը ամերիկյան կողմի այդպիսի պնդումերը անհիմն է անվանել, հայտնում է Irna-ն:
Նրա խոսքով՝ այդպիսի հայտարարություններ անելով ԱՄՆ-ը մասնակցում է «Եմենի անմեղ եւ ճնշված ժողովրդի» նկատմամբ սաուդյան ռեժիմի անմարդկային ռազմական հանցագործություններին, հետեւաբար «նրանք պետք է պատասխանատվության ենթարկվեն իրենց բոլոր հանցագործությունների համար»:
«Ոչ մի կասկած չկա, որ ԱՄՆ պետքարտուղար Ջոն Քերրիին բոլորից ավելի լավ է հայտնի, որ վերջին 1,5 տարիների ընթացքում սաուդյան ռեժիմը փորձել է ոչ-ի հանգեցնել Եմենում հրադադարը»,- ասել է Զարիֆը՝ հավելելով, որ ԱՄՆ համար վրա է հասել «Սիրիայում եւ Իրաքում անցյալի իր սխալներից դաս քաղելու» ժամանակը:
«Իրանը քանիցս ընդգծել է, որ Թեհրանի ռազմական պոտենցիալը որեւէ երկրի համար երբեք սպառնալիք չի ներկայացրել եւ միայն պաշտպանական բնույթ ունի: Աշխարհին եւ տարածաշրջանին սպառնում է թաքֆիրիստական ահաբեկչությունը, որի ծագումը Քերրիին պետք է որ շատ լավ հայտնի լինի»,- ասել է նա: