Արմավիրի մարզի Քարակերտ գյուղում գտնվող գազալցակայանում այսօր՝ օգոստոսի 27-ին տեղի ունեցած պայթյունի դեպքով քրեական գործ է հարուցվել: Այս մասին NEWS.am-ին հայտնեցին Քննչական կոմիտեի մամուլի ծառայությունից:
Քրեական գործ է հարուցվել ՀՀ ՔՕ 231-րդ հոդվածի 2-րդ մասով (Պայթյունավտանգ օբյեկտներում անվտանգության կանոնները խախտելը):
Պայթյունը տեղի է ունեցել այս գիշեր՝ ժամը 00:20-ի սահմանում: Ըստ ԱԻՆ-ի տվյալների՝ «Նորապատ ԱԿ» գազալցակայանում «ՎԱԶ 2101» մակնիշի 14 LU 101 պ/հ ավտոմեքենայի (վարորդ՝ 1970 թ. ծնված Տ. Պ.) լիցքավորման ժամանակ տեղի է ունեցել պայթյուն, վարորդը տեղում մահացել է: Գազալցակայանի աշխատակից, 1983 թ. ծնված Ա. Գ.-ն ստորին վերջույթների կոտրվածքներով հոսպիտալացվել է Արմավիր քաղաքի ԲԿ, այնուհետեւ տեղափոխվել է Երեւանի «Էրեբունի» ԲԿ: Նրա ոստքը ամպուտացիայի են ենթարկել, վիճակը ծայրահեղ ծանր է:
