Մոսկվայում մեծ թվով զոհերով հրդեհից հետո քրեական գործ է հարուցվել հակահրդեյին անվտանգության պահանջների խախտման համար: Ավելի վաղ հաղորդվել էր, որ քննիչները առաջնային էին համարել հրկիզման վարկածը եւ պատրաստ էին վարույթ սկսել գույքի դիտավորյալ ոչնչացման մեղադրանքով, բայց դա տեղի չի ունեցել, փոխանցում է Newsru-ն:
Մոսկվայի քաղաքապետ Սոբյանինն իր Twitter-ում հաղորդել է հիվանդանոցում տուժածներից մեկի մահվան մասին: Այդպիսով, զոհվածների թիվը հասել է 17-ի: Նրանք բոլորը Ղրղզստանի քաղաքացիներ են, որոնք չեն կարողացել այրվող տպարանի շենքից դուրս գալ:
Լուսամփոփի անսարքությունն է եղել հրդեհի պատճառը, հայտնել է Արտակարգ իրավիճակների նախարարության Մոսկվայի տարածքի գլխավոր վարչության պետ Իլյա Դենիսովը: «Հրդեհի պատճառը 100 տոկոս ճշգտությամբ հաստատվել է: Հրդեհն սկսվել է լուսամփոփի անսարքության պատճառով: Պահեստում, որտեղ այն գտնվել է, շատ էին դյուրավառ հեղուկներն ու տպագրական արտադրանքը»,- հայտնել է նա: