ՀԱՊԿ ստեղծելու պահին ենթադրվում էր, որ դրա գլխավոր գործիքը քաղաքական ներգործությունն է լինելու, սակայն աշխարհում ստեղծված իրավիճակը թելադրում է ուժային բաաղկացուցիչի դերի բարձրացման անհրաժեշտություն, հայտնել է կազմակերպությանն գլխավոր քարտուղար Նիկոլայ Բորդյուժան «Անխախտելի եղբայրություն 2016» զորավարժությունների փակման արարողության ժամանակ, հայտնում է «ՌԻԱ Նովոստին»:
Նա նշել է, որ ՀԱՊԿ-ը միջազգային կառույց է, որը կոչված է ապահովել մեր երկրների խաղաղությունն ու անվտանգությունը, ապահովել տնտեսական աճի, սոցիալական խնդիրների լուծումների հնարավորություն: «Կազմակերպության գլխավոր գործիքը քաղաքական ազդեցությունն է: Սակայն իրավիճակի զարգացման միտումը միայն հակառակի մասին է խոսում՝ կազմակերպության ուժային բաղկացուցիչի դերի բարձրացման»- ասել է Բորդդյուժան: «Եվ այդ ռազմական փոխգործակցությունում նախագահները, Հավաքական անվտանգության խորհուրդը հատուկ ուշադրություն են հատկացնում խաղաղաստեղծ բաղկացուցիչին»,- հավելել է նա
Լրագրողների հետ շփվելիս՝ նա նաեւ հավելել է, որ «10 տարի առաջ, երբ մենք նորմատիվային փաստաթղթեր էինք պատրաստում ու աշխատում ՀԱՊԿ խաղաղապահ ուժերի ստեղծման ուղղությամբ, մենք չէինք ենթադրում, որ փոգործակցության նման մակարդակի կհասնենք համեմատաբար կարճ ժամաննակահատվածում»: