Վրաստանի ՆԳՆ արտակարգ իրավիճակների կառավարման հարցերով գործակալության աշխատակիցները փրկել են երկու զբոսաշրջիկների՝ Գերմանիայից ու Իսրայելից, որոնք չէին կարողանում իջնել Թեթնուլդի սարից, ասվում է Վրաստանի ՆԳՆ հաղորդագրության մեջ:
Լեռնագնացների անհետացման մասին տեղեկությունը Փրկարարական ծառայությունը սստացել էր մի քանի օր առաջ: Զբոսաշրջիկների հետ կապը կորել էր երեք օր առաջ: Դրանից հետո որոշում էր կայացվել սկսել որոնողական աշխատանքներ՝ Գերմանիայի ու Իսսրայելի քաղաքացիներին գտնելու համար, հայտնում է «Սպուտնիկ Վրաստանը»
Որոնողական- փրկարարական աշխատանքներին միացել էր նաեւ սահմանապահ ոստիկանության ուղղաթիռը: Հիմա զբոսաշրջիկներին տեղափոխել են ապահով վայր ու նրանց կյանքին ոչինչ չի սպառնում: ՆԳՆ-ում նաեւ նշում են, որ ընթացիկ տարում փրկարարներին հաջողվել է հայտնաբերել ու ապահով վայր տեղափոխել մոտ 30 զբոսաշրջիկների, որոնք կորել էին Վրաստանի սարերում: