Իսպանիայի քաղաքացի Դամիան Ռուբիլադես Կարասկոն, որը ձերբակալվել էր Տալինի օդանավակայանում տեղադրված ռումբի մասին կատակի համար, 4 ամիս ժամկետով պայմանական ազատազրկման է դատապարտվել: Այս մասին գրում է Gazeta-ն՝ վկայակոչելով Postimees-ը:
Օգոստոսի 27-ի առավոտյան իսպանացին գրանցման ժամանակ կատակել է, թե իր պայուսակում պայթուցիկ սարք կա: Տալինի օդանավակայանն անմիջապես տարհանվել է, սակայն ռումբ չի հայտնաբերվել: Արդյունքում երիտասարդին ձերբակալել են:
Տեղական լրատվամիջոցների հաղորդմամբ՝ 33-ամյա իսպանացին 4 ամիս ժամկետով պայմանական ազատազրկման է դատապարտվել՝ մեկամյա փորձնական ժամկետով: Տղամարդը պնդում է, որ ընդամենը կատակել է: