Ինդոնեզիայի Մեդան քաղաքի կաթոլիկ եկեղեցում պատարագի ժամանակ անհայտ տղամարդը պայթուցիկ սարք է գործի դրել։ Ինչպես հաղորդում է ՏԱՍՍ-ը՝ վկայակոչելով ANTARA գործակալությունը, թեթեւ վնասվածք են ստացել հոգեւորականն ու ինքը՝ գրոհայինը։
Ներկայումս եկեղեցուն հարակից տարածքներն արգելափակվել են, ոստիկանությունը խուզարկություն է իրականացնում եկեղեցում։ Ականատեսների խոսքով, հարձակվողի վրա եղել է «Իսլամական պետություն» ահաբեկչական խմբավորման խորհրդանշանը։