Հյուսիսային Կորեան «կտրականապես մերժում է ՄԱԿ-ի Անվտանգության խորհրդի (ԱԽ)՝ Փհենյանի կողմից օգոստոսի 24-ին սուզանավից բալիստիկ հրթիռների արձակումը դատապարտող հայտարարությունը՝ այն կոչելով ֆարս»: ՏԱՍՍ-ի փոխանցմամբ՝ այս մասին ասված է Հյուսիսային Կորեայի ԱԳՆ-ի հայտարարության մեջ:
Գերատեսչության ներկայացուցչի խոսքով՝ հայտարարությունն «ԱՄՆ-ի եւ թշնամական այլ ուժերի հանցավոր գործողությունների արդյունք է, որոնք ձգտում են Փհենյանին զրկել ինքնապաշտպանության օրինական իրավունքից»:
Փհենյանում կարծում են, որ ԱՄՆ-ն պետք է «զերծ մնա գործողություններից, որոնք վիրավորում են ժողովրդական հանրապետության արժանապատվությունն ու սպառնում երկրի անվտանգությանը»:
ԱԳՆ-ում նախազգուշացրել են, որ հակառակ դեպքում Հյուսիսային Կորեան արդյունավետ հակաքայլեր կձեռնարկի՝ որպես լիարժեք ռազմական տերություն:
