Օգոստոսի 28-ի առավոտյան մոսկվացիները քաղաքի կենտրոնում՝ Բելառուսյան կայարանի մոտակայքում զբոսնող փիղ էին նկատել: Մի քանի ժամվա ընթացքում սոցցանցերում տասնյակ լուսանկարներ են հայտնվել: Այս մասին գրում է TJ-ը:
Ըստ ՏԱՍՍ-ի՝ պարզվել է, որ փիղը նկարահանվում է Ռենատ Դավլետյարովի «Հրաշագործը» ֆիլմում:
«Սա մեր առաջատար դերասանուհի Գերդան է՝ Անդրեյ Կոռնիլովի ղեկավարած «Աշխարհի շուրջը փղերի վրա» ատրակցիոնից: Նա 26 տարեկան է, 6 տոննա է կշռում»,- գործակալությանն ասել է Ռուսաստանի ժողովրդակա արտիստուհի «Աշխարհի շուրջը փղերի վրա» ծրագրի գեղարվեստական ղեկավար Տաիսիա Կոռնիլովան: