Հնդկաստանի արեւելյան Բիհար նահանգում ջրհեղեղների զոհ է դարձել 156 մարդ: Այս մասին գրում է ՏԱՍՍ-ը՝ վկայակոչելով աղետի հետեւանքների վերացման հարցերի Ազգային վարչության տվյալները:
Ընդհանուր առմամբ, հեղեղների հետեւանքով շուրջ 1.4 մլն մարդ է տուժել Բիհարի 12 շրջանների 2024 գյուղերում: Նաեւ 8 մլն հեկտար գյուղատնտեսական նշանակության տարածքներ են հեղեղվել, ճանապարհներ, լրջորեն վնասվել կամ ամբողջությամբ քանդվել են տասնյակ կամուրջներ:
Փրկարարներին հաջողվել է վտանգավոր վայրերից 556 հազար մարդու տարհանել, 598 ժամանակավոր ճամբարներում 303 հազար մարդ է բնակություն հաստատել: