ԼՂՀ-ում սահմանադրական փոփոխություններով առաջարկվող կառավարման նախագահական համակարգում դրական տարրեր կան: Այս մասին օգոստոսի 29-ին հայտնել է ԱԺ պատգամավոր Թեւան Պողոսյանը «ԼԵռնային Ղարաբաղում ակնկալվող սահմանադրական փոփոխություններ. Խնդիրներ ու հեռանկարներ» թեմայով քննարկման ժամանակ:
Նրա խոսքով, ԼՂՀ-ում սահմանադրական փոփոխությունների հայեցակարգում ընտրվել է կառավարման մոդել, որը օպտիմալացման հետ միասին կօգնի հասկանալ Ղարաբաղի խնդիրներն ու անելիքնները: «Եթե Լեռնային Ղարաբաղը անկախ պետություն է, մենք պետք է հարգենք նրանց որոշումները ու մոտեցումները»,- նշել է Թեւան Պողոսյանը: Վերջին մի քանի ամիսներին՝ ապրիլյան պատերազմից հետո, շարունակեց պատգամավորը, Ղարաբաղում հսկայական աշխատանք է իրականացվել: «Մենք պետք է հասկանանք, որ այդ աշխատանքները պետք է մշտական լինեն»- հավելեց Թեւան Պողոսյանը:
Հիշեցնենք, որ օգոստոսի 16-ին հրապարակված ԼՂՀ սահմանադրության հայեցակարգը ենթադրում է անցում կառավարման նախագահական ձեւին: Հայեցակարգին համաձայն՝ հանրապետության նախագահը ստանձնելու է նաեւ վարչապետի լիազորությունները: Ըստ հայեցակարգի՝ նախագահն է ընտրելու ու ազատելու նախարարներին, օրենսդրական վետոյի իրավունք է ունենալու, որը կարող է հաղթահարվել միայն ԱԺ պատգամավորների ձայների մեծամասնությամբ: Նաեւ, ըստհայեցակարգի, ենթադրվում է, որ նախագահական ու խորհրդարանական ընտրություններ միաժամանակ կանցկացվեն
ԼՂՀ ԱԺ հաջորդ ընտրությունները ծրագրված են 2020 թ.: