Գերմանիայում անհետացած 18 տարեկանից փոքր միգրանտների թիվը 2016 թվականի սկզբից ի վեր 8991 մարդ է կազմել, հայտնում է Gazeta-ն:
Հաղորդվում է, որ ոստիկանությունն ապացույցներ չունի, թե անհետ կորած երեխաներից որեւէ մեկը հանցագործների ձեռքում է հայտնվել: Դաշնային քրեական ոստիկանության` BKA-ի ներկայացուցչի խոսքով, անչափահաս փախստականները կարող են հեռանալ գերմանական այլ քաղաքներ կամ եվրոպական այլ երկրներ` իրենց ազգականներին կամ ծանոթներին գտնելու:
Ավելի վաղ հաղորդվել էր, որ անցած ամբողջ տարվա ընթացքում Գերմանիայում մեկ ու կես անգամ պակաս անչափահաս փախստական է կորել, որոնք եկել էին առանց չափահասների ուղեկցության` մոտ վեց հազար մարդ: Գերմանական իշխանությունները ոչ մի տեղեկություն չունեն անհետացած երեխաների գտնվելու վայրի մասին, ինչպես նաեւ չեն կարող հայտնել անչափահաս փախստականների անհետացման պատճառները, որոնցից յուրաքանչյուր տասներորդը 14 տարեկան չկա: