«Դատապարտյալների հիվանդանոց» ՔԿՀ–ում գտնվող՝ «Սասնա ծռերի» անդամ Աշոտ Պետրոսյանին այսօր՝ օգոստոսի 29-ին, տեղափոխել են Երեւանի «Էրեբունի» հիվանդանոց: Այս մասին NEWS.am-ի հետ զրույցւոմ ասաց «Էրեբունի» հիվանդանոցի տնօրեն Միքայել Մանուկյանը: Նա նշեց, որ իրենց մոտ տեղափոխված Արամ Մանուկյանն ու Աշոտ Պետրոսյանն այս պահին հետազոտվում են, որից հետո կտեղափոխվեն Վերակենդանացման բաժանմունք: Նրա խոսքով՝ նրանց կվիրահատեն օգոստոսի 30-ին:
Հիշեցնենք, որ Աշոտ Պետրոսյանին եւ Արամ Մանուկյանին մեղադրանք է առաջադրվել Քրեական օրենսգրքի 219-րդ հոդվածի 3-րդ մասի 1-ին կետով (Շենքեր, շինություններ, տրանսպորտի, հաղորդակցության կամ կապի միջոցներ, այլ հաղորդակցության ուղիներ զավթելը կամ դրանք պահելը, որը կատարվել է կազմակերպված խմբի կողմից) եւ 235-րդ հոդվածի 3-րդ մասով (Ապօրինի կերպով զենք, ռազմամթերք, պայթուցիկ նյութեր կամ պայթուցիկ սարքեր ձեռք բերելը, իրացնելը, պահելը, փոխադրելը կամ կրելը, որը կատարվել է կազմակերպված խմբի կողմից):
