NASA-ից հայտնել են, որ այժմ Լուսնի վրա բարձր արագության համացանց կհայտնվի, փոխանցում է Informing-ը:
Lunar Laser Communication կոչվող նոր տեխնոլոգիան Երկրագնդի հետ տիեզերագնացների կապի բարձր մակարդակ կապահովի: Այն մշակել են Մասաչուսեթսի տեխնոլոգիական համալսարանի (ԱՄՆ) աշխատակիցները:
Նրանք համաժամանակյա են դարձրել ուղեծրային արբանյակների եւ Նյու Մեքսիկո նահանգի տարածքում եղակայված աստղադիտակների աշխատանքը: Այս նախագիծն իրականացնելու համար գիտնականներից պահանջվել է մի քանի տարի: NASA-ից նշել են, որ այժմ կայուն ազդանշանը կարելի է պահպանել գրեթե 400 հազար կիլոմետր հեռավորությամբ:
«Լուսնային» համացանցի արագությունն այժմ 622 Մբ/վրկ-ի է հասնում, իսկ ազդանշանի ընդունման արագությունը՝ 19,44 Մբ/վրկ-ի: Դա շատ լավ ցուցանիշ է Երկրագնդի անգամ որոշ երկրների կապի մակարդակի համար: NASA-ից նշել են, որ ձեռք բերած արդյունքներն անչափ կարեւոր են, քանի որ գիտնականներն ու տիեզերագնացները հիմա կկարողանան տեսակապի ժամանակ շփվել առանց խոչընդոտների:
