Գիտնականներն աշխատում են Երկրից դեպի Մարս մարդկանց արագ տեղաշարժի միջոց ստեղծելու ուղղությամբ: Եթե հաջողվի դա իրականացնել, հեղափոխական քայլ կլինի տեխնոլոգիաների ոլորտում:

Ըստ Planet Today-ի՝ մասնագետներն առաջարկել են տիեզերական գնացք ստեղծել, որն ապագայում հսկայական արագությամբ տարածություններ կհաղթահարի՝ տեղաշարժվելով Արեգակնային համակարգով:

Այն արդեն կոչվել է Արեգակնային ճեպընթաց: Գնացքը կազմված կլինի 6 բաժնից, յուրաքանչյուրը՝ 50 մետր երկարությամբ: Նախնական փուլում գնացքը կտեղաշարժվի հատուկ հսկայական հրթիռային շարժիչների օգնությամբ: Գիտնականները ենթադրում են, որ գնացը կկարողանա մինչեւ 3.000 կմ/ր արագություն զարգացնել: