Երեւանի Կենտրոն ու Նորք Մարաշ վարչական շրջանների ընդհանուր իրավասության դատարանը օգոստոսի 29-ին մերժել է Հայաստանի Գլխավոր դատախազության միջնորդությունը՝ Ռուսաստանի քաղաքացի, ՏՏ ոլորտի մասնագետ Սերգեյ Միրոնովին կալանավորելու մասին:
30-ամյա ծրագրավորողին ազատ են արձակել երկրից չհեռանալու ստորագրությամբ: Սերգեյ Միրոնովը 40 օրվա ընթացքում պետք է չլքի Հայաստանի տարածքը:
Հիշեցնենք, որ ուրբաթ Երեւանի օդանավակայանում ձերբակալվել էր ռուսաստանցի Սերգեյ Միրոնովը, որի նկատմամբ ԱՄՆ-ի հարցմամբ միջազգային հետախուզում է հայտարարված: Ամերիկյան իշխանությունները «ՏՏ ոլորտի մասնագետին կասկածում են զենքի առեւտրի մեջ»: