Չինաստանում ոստիկանները տղամարդու են ձերբակալել, ում կասկածում են 11 կանանց բռնաբարության եւ սպանության մեջ, հայտնում է BBC News-ը:
Հաո Չեն-յուն ձերբակալվել է սեփական պարենային խանութում: Երկու երեխաների 52-ամյա հայրը խոստովանել է 1988 թվականից մինչ 2002-ը կատարած սպանությունների կատարումը:
Իրավապահների խոսքով՝ մոլագարին Չինաստանում անվանում են չինացի «փորոտիք թափող» Ջեք, նրա զոհերը հիմնականում կարմիր զգեստ հագած միայնակ կանայք էին: Նա կանանց հետեւում էր մինչ նրանց տուն հասնելը, բռնաբարում էր, այնուհետեւ սպանում՝ հիմնականում կոկորդը կտրելու եղանակով: Մարդասպանը երբեմն սպանվածների մարմիններն անդամահատում էր:
Հաո Չեն-յուի ամենափոքր զոհը ութամյա աղջիկ էր:
Չինացին առաջին հանցագործությունը կատարել է 1988 թվականի մայիսին: Նա դանակի 26 հարված էր հասցրել 23-ամյա կնոջ: Թե ինչու է 2002 թվականից հետո դադարեցրել հանցագործությունների կատարումը՝ տվյալ պահին չի պարզաբանել, նշում է BBC News-ը:
Նրա մասին տեղեկություն տալու համար իշխանությունները սահմանել էին 30 հազար դոլարի պարգեւավճար: Այդուհանդերձ, այդ գումարը ոչ մեկը չի ստանա, քանի որ մարդասպանի անձը հաստատվել է մանր հանցագործության համար ձերբակալված Հաո Չեն-յուի հորեղբոր ԴՆԹ նմուշների շնորհիվ:
«Փորոտիք թափող» Ջեքը 1988 թվականի երկրորդ կեսին Անգլիայում գործունեություն ծավալած սերիական մարդասպանին վերագրված անունն է: