2017-ին հյուրանոցային մենեջմենթի Starwood Hotels ընկերությունը Երեւանի կենտրոնում լյուքս հյուրանոց կբացի the Luxury Collection ապրանքանիշի տակ: Հաղորդվում է, որ The Alexander հյուրանոցը պետք է բացվի 2017-ի ամռանը:
«Մենք շարունակում ենք ընդլայնվել նաեւ մեր 100-րդ հյուրանոցից հետո: Այժմ մենք այնպիսի սքանչելի ուղղություն ենք ընտրել, ինչպիսին Երեւանն է», - հայտնել է Եվրոպայում, Աֆրիկայում եւ Մերձավոր Արեւելքում ընկերության նախագահ Մայքլ Ուեյլը:
Starwood Hotels ընկերությունը զբաղվում է հյուրանոցային այնպիսի ապրանքանիշերի կառավարմամբ, ինչպիսիք են Sheraton-ը, St. Regis-ը, Westin-ը եւ այլն:
