Իրենց հայրության հարցում կասկածներ ունեցող տղամարդիկ պետք է ավելի մեծ իրավունքներ ունենան: Այսպիսի համոզմունք է հայտնել Գերմանայի արդարադատության նախարար Հայկո Մասը:
Ըստ DW-ի՝ նախարարն առաջարկում է օրենքի ուժով կանանց պարտավորեցնել վիճելի դեպքերում մանրակրկիտ տեղեկություն հայտնել, թե երեխայով բեղմնավորվելիս ում հետ են սեռական շփումներ ունեցել:
Այսպիսի միջոցառումը նախարարը կապում է երեխային խնամելու ծախսերի հետ: Եթե պարզվի, որ կինը խաբել է իր զուգընկերոջը, ապա տղամարդն իրավունք կստանա վերջին երկու տարիների ընթացքում երեխայի վրա կատարած ծախսերի փոխհատուցում պահանջել նրա կենսաբանական հորից: