Ջոն Լենոնի մարդասպանին 9-րդ անգամ մերժել են պայմանական վաղաժամկետ ազատել, հայտնում է New York Daily News-ը: Մարկ Դեւիդ Չեփմենը կկարողանա պայմանական վաղաժամկետ ազատվելու խնդրագիր ներկայացնել միայն 2 տարի հետո:
Մերժման պատճառը չի նշվել, բայց, ըստ պարբերականի, նախկինում պայմանական վաղաժամկետ ազատման հանձնաժողովի անդամներից մեկն ասել է, որ Չեփմենին ազատելը «կխարխլեր օրենքի հանդեպ հարգանքը:
1980 թվականի դեկտեմբերի 8-ին Չեփմենը մեկ անգամ կրակել է Լենոնի մեջքին, երբ նա կնոջ՝ Յոկո Օնոյի հետ վերադառնում էր ձայնագրության ստուդիայից: Մարդասպանը հանցանքի վայրից փախուստի փորձ չի ձեռնարկել, ոստիկանությունը նրան հենց այնտեղ էլ գտել է Ջերոմ Սելինջերի «Տարեկանի արտում, անդունդի եզրին»-ը ընթերցելիս: Դատարանը նրան մեղսունակ է ճանաչել եւ դատապարտել ցմահ ազատազրկման՝ տալով 20 տարի անց պայմանական վաղաժամկետ ազատվելու խնդրանքով դիմելու իրավունք: