Microsoft-ը հաջողությամբ աշխատում է Հայաստանի հետ Government Security Program-ի շրջանակում: Այս մասին NEWS.am-ի թղթակցի հետ զրույցում ասաց Microsoft ընկերության՝ Կենտրոնական եւ Արեւելյան Եվրոպայի կիբեռանվտանգության բաժնի ղեկավար Դանիել Գրաբսկին:
Հայաստանը ծրագրին անդամակցել է 2015 թվականի մայիսին, իսկ ծրագիրը գործում է 2003-ից՝ գործակցելով տարբեր երկրների կառավարությունների հետ: Ծրագրի նպատակն է՝ տեղեկություններ փոխանակել այն սպառնալիքներ մասին, որոնք հատկապես արդիական են պետական վեբ-ռեսուրսերի համար:
Միաժամանակ, Microsoft-ը նրանց հասանելի է դարձնում սեփական ռեսուրսները՝ Transparency Center ծրագրի ներքո:
«Այդ կենտրոնի բացման մասին որոշումն ընդունվել էր Էդվարդ ՍՆոուդենի գործից հետո: Այդ ժամանակ տեղեկություններ էին տարածվել, որ ՏՏ ընկերություններից շատերը, այդ թվում՝ Microsoft-ը, բեքդորներ ունեն, որոնց միջոցով պետական ընկերությունները կարող են հսկել արքային օգտատերերին: Եվ մենք դիմեցինք 100% թափանցիկության միջոցների՝ կառավարության մեր գործընկերներին ասելով. եթե կասկածներ ունեք ձեր համակարգերի անվտանգության հարցում, կարող եք վերլուծել մեր սկզբնական կոդը, ձեր համակարգերի կայունության սթրես-թեստեր անցկացնել, մեր մասնագետները դրանում ձեզ կօգնեն: Այդպիսով, մենք խորապես բացահայտում ենք տեղեկությունը, որպեսզի մեր գործընկերները տեսնեն, որ Microsoft-ին կարելի է վստահել»,- հայտարարեց Գրաբսկին:
Բացի այդ, ընկերությունները պետական մարմինների պատվիրակություններին հրավիրում է Ռեդմոնդի իր կենտրոնակայան՝ ներկայացնելով, թե միջնաժամկետ հեռանկարում կիբեռանվտանգության ոլորտում ինչ միտումներ կարելի է ակնկալել:
