ԱՄՆ-ի Հետաքննությունների դաշնային բյուրոն (ՀԴԲ) Արիզոնա եւ Իլինոյս նահանգների ընտրողների գրանցման համակարգերի անվտանգության հետ կապված լուրջ խնդիրներ է հայտնաբերել: Այս մասին հաղորդում է BBC-ն՝ վկայակոչելով ամերիկյան լրատվամիջոցները:

Բյուրոն երկրի իշխանություններին կոչ արել նախագահական ընտրություններից առաջ բարձրացնել համակարգչային անվտանգության մակարդակը:

ՀԴԲ-ի աղբյուրի համաձայն՝ այս երկու նահանգներում հաքերային հարձակման փորձեր են բացահայտվել: Բյուրոյի ներկայացուցիչները նախազգուշացրել են, որ ընտրողների տվյալների հասանելիություն ունենալով՝ հաքերները կարող են ազդել քվեարկության արդյունքների վրա: