ԱՄՆ-ն Սիրիայի հյուսիսում թուրքական բանակի եւ քրդական Ժողովրդական ինքնապաշտպանական ջոկատների (YPG) միջեւ բախումներն անհապաղ դադարեցնելու կոչ է արել: DW-ի փոխանցմամբ՝ այս մասին հայտարարել է Պենտագոնի պաշտոնական ներկայացուցիչ Փիթեր Քուքը:
Նրա խոսքով՝ ԱՄՆ-ն անընդունելի է համարում այդ բախումները: Նա ընդգծել է, որ տեղի ունեցող իրադարձությունները լրջորեն անհանգստացնում են Վաշինգտոնին:
Ջարաբլուսի մերձակայքում Անկարայի ուժերի եւ YPG-ի զինված դիմակայությունը, ըստ Քուքի, տեղի է ունենում առանց Վաշինգտոնի հետ համաձայնեցման: