Թուրքական հեղինակավոր եւ ազդեցիկ Zaman պարբերականի ֆրանսիական խմբագրությունը հայտարարել է փակվելու մասին: Zaman-ը Ֆեթուլլահ Գյուլենի շարժմանը մերձավոր պարբերական է համարվում: Այս մասին հաղորդում է RFI-ն:
«Ցավով եւ տխրությամբ ստիպված ենք ընթերցողներին հայտնել, որ դադարեցնում ենք պարբերականի տպագիր եւ առցանց տարբերակների թողարկումը»,- Zaman France-ի կայքում հրապարակված հաղորդագրությունում:
Հուլիսի վերջին թուրքական իշխանությունները երկրում ռազմական հեղաշրջման փորձի հետաքննության շրջանակում Zaman-ի թուրքական խմբագրության 47 աշխատակցի ձերբակալություն էր արտոնել: Թուրքիայի իշխանությունները հեղաշրջումը կազմակերպելու մեջ մեղադրեցին Գյուլենին, երկրում ավելի քան հարյուր լրատվամիջոցներ փակվեցին:
