Պիցցան եւ հաճոյախոսությունները լավագույն մոտիվատորներն են, որպեսզի ընկերության աշխատակիցները կարողանան առավելագույնս ջանասիրաբար աշխատել աշխատավայրում:
Դրանում համոզված են գիտնականները, որոնց անցկացրած հետազոտությանը մասնակցել են Իսրայելում Intel-ի կիսահաղորդչային էլեկտրոնիկայի ֆաբրիկայի աշխատողները, հայտնում է Informing-ը:
Հետազոտությունն անցկացվել է հետեւյալ եղանակով: Առավոտյան ձեռնարկության աշխատակիցները երեք տեսակի հաղորդագրություն են ստացել: Առաջինում ասվել է, որ պետք է աշխատանքի մեծ ծավալ իրականացնել, ինչի համար նրանց դրամական բոնուս են խոստացել: Երկրորդում` լավ աշխատանքի համար վերադասը հաճոյախոսություն կնվիրի, իսկ երրորդում` աշխատողն անվճար պիցցա կստանա:
Արդյունքում հաջողվել է պարզվել, որ պիցցան գլխավոր մոտիվատորն է, դրա շնորհիվ արտադրողականությունն աճել է 6,7 տոկոսով:
Վերադասի կողմից խոստացված հաճոյախոսությունը եւս խթանել է աշխատակիցներին` 6,6 տոկոսով մեծացնելով արտադրողականությունը: Իսկ դրամական բոնուսը, ի մեծ զարմանս գիտնականների, թույլ է տվել արտադրողականությունը մեծացնել ընդամենը 4,9 տոկոսով:
