News
Լրահոս
News
Երեքշաբթի
Մարտ 19
Տեսնել լրահոսը

Հայաստանի N զորամասի հրամանատար Ռուդիկ Գրիգորյանը մեղադրվում է պաշտոնեական լիազորությունները չարաշահելու մեջ: Այս մասին տեղեկանում ենք Դատական տեղեկատվական համակարգից:

Ըստ մեղադրական եզրակացության՝ փոխգնդապետ Ռուդիկ Գրիգորյանը նախորդ տարվա հունվարից մինչեւ հոկտեմբեր հաստատել է զորամասի հաշվեկշռում գտնվող տրանսպորտային միջոցների օգտագործման համար զորամասի նյութատեխնիկական պահովման գծով տեղակալ, մայոր Լեւոն Գաբրիելյանի կողմից կազմված կեղծ կարգագրերը: Հրամանատարը թույլատրել է Գաբրիելյանին ավել ավտոբենզին դուրս գրել եւ դրանով փակել նշված տրանսպորտային միջոցների գերծախսը, հոգալ զորամասի հաշվեկշռում գտնվող տրանսպորտային միջոցների տեխսպասարկման, իսկ հետագայում նաեւ իրենց նախաձեռնությամբ զորամասում իրականացվող արտապլանային շինարարական եւ այլ աշխատանքների համար նախատեսված ծախսերը: Այսպիսով, զորամասի ավտոբենզինի պաշարներից անհիմն դուրս է գրվել 3 մլն 962 հազար դրամին համարժեք ավտոբենզին:

Բացի դրանից, Գրիգորյանը 2015թ.-ի նոյեմբերի 25-ին Լեւոն Գաբրիելյանի բանավոր զեկույցից տեղեկացել է, որ նույն զորամասի իրային եւ պարենային ծառայության պետ, կապիտան Գասպարյանը նախորդ երկու ամիսներին զորամաս գործուղված անձանց հասանելիք լրացուցիչ ձկան պահածոյի եւ խտացրած կաթի չափաբաժինները չի հատկացրել եւ դրանք զորամասի պահեստից դուրս է տարել եւ իրացրել: Զինծառայողների մոտ հոգատար եւ ներողամիտ հրամանատարի տպավորություն ստեղծելու, վերադաս հրամանատարության կողմից հնարավոր դիտողության չարժանանալու, զորամասի վարկանիշը բարձր պահելու շարժառիթներով՝ զորամասի հրամանատարը խախտել է ՀՀ Զինված ուժերի կարգապահական կանոնագիրքը եւ դրսեւորել իշխանության անգործություն. որպես հետաքննության մարմին Զորի Գասպարյանի կողմից կատարված առերեւույթ հանցագործության հանգամանքները պարզելու վերաբերյալ նյութեր չի նախապարաստել, այդ մասին իրավապահ մարմիններին չի հայտնել եւ թաքցրել է հանցագործության դեպքը:

Նույն զորամասի ավտոտեխնիկայի եւ հրթիռահրետանային ծառայությունների պետ, կոչումով կապիտան Մակիչ Ադամյանն էլ պարտավոր է եղել հետեւել իր ծառայության գծով ռազմական տեխնիկայի եւ այլ նյութական միջոցների սարքին վիճակին, կազմակերպել դրանց ճիշտ շահագործումը: Սակայն նա չի կատարել նշված պահանջները:

Ռուդիկ Գրիգորյանին մեղադրանք է առաջադրվել Քրեական օրենսգրքի 375-րդ հոդվածի 1-ին եւ 3-րդ մասերով, 314-րդ հոդվածի 1-ին մասով, Լեւոն Գաբրիելյանին՝ 375-րդ հոդվածի 3-րդ մասով եւ 314-րդ հոդվածի 1-ին մասով, իսկ Մակիչ Ադամյանին՝ 375-րդ հոդվածի 3-րդ մասով եւ 314-րդ հոդվածի 1-ին մասով: Երեքի դեպքում էլ խափանման միջոց է ընտրվել ստորագրություն չհեռանալու մասին:

Նախաքննությունն ավարտվել է եւ գործն ուղարկվել դատարան:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Զինծառայող Ավագ Զաքարյանի սպանության մեղադրանքով կալանավորվել է համածառայակիցը. ՔԿ
Փաստական տվյալներ են ստացվել, որ ժամը 17։55-ի սահմաններում ՀՀ հյուսիսարևելյան սահմանագծին տեղակայված մարտական դիրքում՝ խրամուղում…
Ատեստավորումից գերազանց ստացող շարքային պայմանագրայինը մարտական հերթափոխ իրականացնելիս կստանա 526 հազար դրամ
Բրիգադի սերժանտի աշխատավարձը մինչեւ ատեստավորումը կազմում է 209 հազար...
Ինչու՞ են բանակում շատացել մահվան դեպքերը, ովքե՞ր, ե՞րբ եւ ի՞նչ պատիժ են կրել դրա համար. պատգամավորը՝ ՊՆ փոխնախարաին
Դուք ԱԺ-ում եք, հանրային հարթակում եւ բոլոր հնարավոր ուղղություններից մեզ լսում են...
Զինծառայող Ավագ Զաքարյանի մահվան դեպքի առթիվ քրեական վարույթ է նախաձեռնվել սպանության հատկանիշներով
Ավելի վաղ ՀՀ պաշտպանական գերատեսչությունից հայտնել էին, որ փետրվարի 24-ին...
Պետությունը հրաժարվում է բացահայտել լեյտենանտ Արտակ Նազարյանի սպանությունը. Ծովինար Նազարյան
Արդարադատության համակարգը մեծ անակնկալ կաներ մեզ, եթե չարհամարհեր ՄԻԵԴ-ի քննադատությունը եւ չշարունակեր «նախկիններից» եկած ավանդույթը…
Պարտադիր ժամկետային զինծառայողի սպանության գործը դատախազն ուղարկել է դատարան
2024 թվականի հունվարի 29-ին հաստատել է ՀՀ ՊՆ զորամասի մարտական դիրքում...
Ամենաշատ