Եվրամիությանը Թուրքիայի անդամակցության մասին հնարավոր է խոսել միայն Թուրքիայի նախագահ Թայիփ Էրդողանի հեռանալուց հետո, հայտարարել է թվային տնտեսության եւ տեղեկատվական միության հարցերով եվրահանձնակատար Գյունթեր Էթինգերը։
«ԵՄ համար շատ կարեւոր են Թուրքիայի հետ հարաբերությունները։ Սակայն ԵՄ–ին Թուրքիայի անդամակցությունը ներկա հանգամանքների պայմաններում անիրական է՝ ընդհուպ մինչեւ հաջորդ տասնամյակը։ Այդ մասին հնարավոր կլինի խոսել Էրդողանի հեռանալուց հետո»,– Bild–ին ասել է Էթինգերը։
2005 թվականից սկսված ԵՄ–ին Թուրքիայի անդամակցության բանակցությունները բազմիցս ընդհատվել են տարաձայնությունների պատճառով։ Ներկայումս բանակցությունների 35 պայմաններից 16–ը կատարված չեն։