News
Լրահոս
News
Երեքշաբթի
Մարտ 19
Տեսնել լրահոսը

Օգոստոսի 29-30-ը «Աշխարհն առանց միջուկային զենքի» միջազգային համաժողովին մասնակցելու նպատակով Աստանայում գտնվող ՀՀ Ազգային ժողովի արտաքին հարաբերությունների մշտական հանձնաժողովի նախագահ Արտակ Զաքարյանը հանդիպում է ունեցել Ղազախստանի խորհրդարանի Մաժիլիսի փոխնախագահ Վլադիմիր Բոժկոյի հետ, որտեղ ներկայացրել է ԼՂ խնդրի քաղաքական կարգավորման ընթացքը:

ԱԺ-ից NEWS.am-ին հայտնում են, որ Վլադիմիր Բոժկոն ներկայացրել է նորընտիր Մաժիլիսի կառուցվածքը, օրենսդրական գործունեության հիմնական ուղղությունները, միջխորհրդարանական համագործակցության առաջնահերթությունները: Ղազախստանի Հանրապետության Մաժիլիսի փոխնախագահը նաեւ հատուկ անդրադարձ է կատարել հայ-ղազախական միջպետական հարաբերություններին, գոհունակությամբ ընդգծել դրանց բարեկամական, դաշնակցային բնույթն ու հույս հայտնել, որ չնայած համաշխարհային տնտեսական ճգնաժամի հետեւանքով ունեցած դժվարություններին` երկկողմ տնտեսական կապերն ընդարձակվելու մեծ ներուժ ունեն:

ՀՀ ԱԺ արտաքին հարաբերությունների մշտական հանձնաժողովի նախագահ Արտակ Զաքարյանը, շնորհակալություն հայտնելով ջերմ ընդունելության համար, ներկայացրել է ՀՀ արտաքին քաղաքականության գլխավոր առաջնահերթությունները, Լեռնային Ղարաբաղի հակամարտության քաղաքական կարգավորման ընթացքը, ընդգծել հայ-ղազախական հարաբերությունների խորհրդարանական բաղադրիչը զարգացնելու, մասնավորապես երկու երկրների խորհրդարաններում գործող բարեկամության խմբերի միջեւ կապերն աշխուժացնելու եւ արտաքին հարաբերությունների հանձնաժողովների միջեւ համագործակցության հուշագիր ստորագրելու կարեւորությունը: Արտակ Զաքարյանը եւ Վլադիմիր Բոժկոն նաեւ հանդես են եկել երկու երկրների խորհրդարաններում ստեղծված բարեկամության խմբերի փոխայցելություն կազմակերպելու առաջարկով:

Հանդիպմանը մասնակցել են նաեւ Ղազախստանի Հանրապետության խորհրդարանի Մաժիլիսի միջազգային կապերի, պաշտպանության եւ անվտանգության հարցերով կոմիտեի քարտուղար Իրինա Արոնովան, հայ-ղազախական բարեկամության խմբի նախագահ Բեյբըթ Մամրաեւը, Մաժիլիսի պատգամավոր Նարինե Միքայելյանը, ինչպես նաեւ Ղազախստանում Հայաստանի արտակարգ եւ լիազոր դեսպան Արա Սահակյանը:

!
Այս նյութը հասանելի է նաև   Русский
Տպել
Կարդացեք նաև
Ամբողջը
Ծիծեռնակաբերդի բարձունքում նշվեց Ադրբեջանական ԽՍՀ-ում հայկական ջարդերի զոհերի հիշատակին նվիրված տարելիցը
Ծիծեռնակաբերդի բարձունքում նշվեց Ադրբեջանական ԽՍՀ-ում կազմակերպված...
Բոլորս պետք է ջանանք, որ Սումգայիթում տեղի ունեցած ողբերգությունները երբեք չկրկնվեն. Մարագոս
Իմ խորին ցավակցությունն եմ հայտնում բոլորին, ովքեր 36 տարի առաջ...
Բաքվին կոչ ենք անում առերեսվել հայաբնակ վայրերի հայաթափման հանցանքին, ԼՂ էթնիկ զտմանը և ցեղասպանությանը.հայտարարություն
Ադրբեջանի արտաքին գործերի նախարարությանը հայտարարություն է տարածել՝ շարունակելով Հայաստանի հասցեին հերյուրանքներ սփռելու պետական գիծը...
Այսօր էլ Ադրբեջանը շարունակում է իր վերահսկողության ներքո հայկական որևէ հետքի վերացմանն ուղղված քաղաքականությունը. ԱԳՆ
Միջազգային հանրությունը պետք է համարժեք գնահատական տա տեղի ունեցած զանգվածային ոճրագործություններին և գործարկի առկա բոլոր մեխանիզմները...
Երեւանում տեղի կունենա Ադրբեջանում հայերի ցեղասպանության զոհերի հիշատակի միջոցառում
Փետրվարի 28-ին Ծիծեռնակաբերդում տեղի կունենա հիշատակի միջոցառում...
Մարուքյանը ուշագրավ փաստեր է հրապարակել Խոջալուի դեպքերի հետ կապված՝ վկայակոչելով Ադրբեջանի 1-ին նախագահի հարցազրույցը
Ադրբեջանի առաջին նախագահ Այազ Մութալիբովը հայտարարել է, որ «Խոջալուի վրա հարձակումը անակնկալ հարձակում չէր»։ 1992 թվականին ռուսական...
Ամենաշատ