Հայաստանի ԱԻՆ-ում, այսօր՝ օգոստոսի 30-ին, ժամը 10.37-ին տեղեկատվություն է ստացվել այն մասին, որ Արարատի մարզի Տափերական գյուղում՝ ավտոտեխսպասարկման կետի մոտակայքում, տեղի է ունեցել ավտովթար, կան տուժածներ. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ դեռեւս չբացահայտված հանգամանքներում, Երեւան-Մեղրի ավտոճանապարհի 34-րդ կմ-ում՝ Տափերական գյուղի հատվածում, «BMW» մակնիշի 35 AS 976 պ/հ (վարորդ Ս. Գ.) ավտոմեքենան դուրս է եկել ճանապարի երթեւեկելի հատվածից եւ կողաշրջվել ճամփաբաժան հատվածում, ինչի հետեւանքով ուղեւոր Պ.Զ.-ը (ծնված 1941 թ.) տեղափոխվել է «Արարատի» ԲԿ, սակայն հրաժարվել է բուժօգնությունից:
Փրկարարները հոսանքազրկել են ավտոմեքենան, փակել գազի բալոնի փականը: