News
Լրահոս
News
Երեքշաբթի
Մարտ 19
Տեսնել լրահոսը

ՀՀ նախագահ Սերժ Սարգսյանին այսօր՝ օգոստոսի 30-ին, իր հավատարմագրերն է հանձնել Հայաստանի Հանրապետությունում Վրաստանի նորանշանակ արտակարգ եւ լիազոր դեսպան Գիորգի Սագանելիձեն:

ՀՀ նախագահի մամուլի գրասենյակից NEWS.am-ին հայտնում են, որ Հանրապետության նախագահը շնորհավորել է դեսպանին պաշտոնն ստանձնելու կապակցությամբ եւ մաղթել հաջողություններ մեր երկրում դիվանագիտական առաքելությունն իրականացնելու գործում:

Սերժ Սարգսյանը վստահություն է հայտնել, որ նորանշանակ դիվանագետն իր կարեւոր ներդրումը կունենա տարբեր ոլորտներում երկկողմ կապերի խորացման եւ հայ-վրացական բարեկամության առավել ամրապնդման գործում: Գոհունակությամբ արձանագրելով, որ վերջին տարիներին բավականին աշխուժացել են բարձր մակարդակի միջպետական շփումները՝ նախագահը նշել է, որ Հայաստանում սիրով սպասում են Վրաստանի վարչապետի առաջիկա պաշտոնական այցին:

Դեսպան Սագանելիձեն վստահեցրել է, որ իր գործունեության ընթացքում կանի ամեն հնարավորը Հայաստանի եւ Վրաստանի միջեւ գոյություն ունեցող սերտ բարիդրացիական հարաբերությունները խորացնելու ուղղությամբ եւ հավելել, որ իր համար մեծ պատիվ է պաշտոնավարել մի երկրում, որի դարավոր պատմությանն ու մշակույթին քաջածանոթ է:

Զրուցակիցներն ընդգծել են, որ ավանդական բարեկամության եւ երկու ժողովուրդների միջեւ փոխըմբռնման պատմական հիմքի վրա խարսխված ակտիվ միջպետական երկխոսությունը համագործակցության նորանոր ուղղություններ նախանշելու ամուր հիմք է:

Նախագահ Սերժ Սարգսյանը եւ դեսպան Գիորգի Սագանելիձեն համակարծիք են եղել, որ բարձր մակարդակի քաղաքական հարաբերություններին զուգահեռ կան լայն հնարավորություններ եւ չօգտագործված մեծ ներուժ՝ զարգացնելու առեւտրատնտեսական հարաբերությունները, ընդլայնելու փոխգործակցությունը հեռանկարային մի շարք ոլորտներում, ինչպիսիք են՝ զբոսաշրջությունը, գյուղատնտեսությունը, էներգետիկան, մշակույթը եւ այլն:

ՀՀ Նախագահը եւ Վրաստանի դեսպանը երկուստեք կարեւորել են նաեւ միջխորհրդարանական կապերի սերտացման ուղղությամբ ակտիվ աշխատանքը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Վրաստանի Խորհրդարանի կրթության, գիտության և երիտասարդության հարցերի հանձնաժողովի նախագահը կժամանի Հայաստան
Պատվիրակությանը կընդունի Ազգային ժողովի գիտության, կրթության…
Ավինյանը Վրաստանի դեսպանի հետ քննարկել է Երևանի և Թբիլիսիի միջև գործակցության ընդլայնմանն հարցեր
Շնորհակալություն հայտնելով ջերմ ընդունելության ու համագործակցությունն ընդլայնելու պատրաստակամության համար՝ դեսպան Գիորգի Շարվաշիձեն նշել է, որ…
Վրաստանի հատուկ քննչական ծառայության ղեկավարի Հայաստան կատարած այցը՝  տեսանյութով
Երկու քննչական կառույցների ղեկավարների փոխայցելությունները…
Վրաստանի հատուկ քննչական ծառայության ղեկավարն այցելել է Շիրակի մարզ
Մարտի 6-ին ՀՀ քննչական կոմիտեի նախագահ Արգիշտի Քյարամյանի ուղեկցությամբ…
Դեսպան Սմբատյանն ու Վրաստանի ՊՆ նախարարն անդրադարձել են պաշտպանության ոլորտում առկա համագործակցությանը
Հանդիպմանն անդրադարձ է կատարվել Հայաստանի Հանրապետության և Վրաստանի միջև պաշտպանության ոլորտում առկա համագործակցությանը...
Փաշինյանը հեռախոսազրույց է ունեցել Կոբախիձեի հետ և հրավիրել նրան պաշտոնական այց կատարել Հայաստան
Վրաստանի վարչապետն ընդունել է հրավերը․․․
Ամենաշատ