Իլինոյս նահանգում ՝ Չիկագոյում կինը ինքնահրկիզման փորձ է արել ԱՄՆ ներկայացուցիչների պալատի անդամ Դեննի Դեւիսի գրասենյակում, հայտնում է «Ասոշիեյթիդ փրես» գործակալությունը:
Ոստիկանությունից հայտնել են, որ անհայտ կինը ձեռքերի ախտահարման համար նախատեսված հեղուկը լցրել էր բերանի մեջ, ինքն իր վրա ու վառել կրակայրիչով: Գրասենյակի աշխատակիցները փորձել են մարել կրակը, սակայն կինը փորձել է փախչել:
Կնոջը հիվանդանոց են հասցրել ծանր այրվածքներով, նրա վիճակը գնահատվում է որպես կայուն:
Միջադեպի ժամանակ Դեւիսը գրասենյակում չի եղել: Նա ասել է, որ չգիտի, թե ինչը կարող էր կնոջը դրդել նման քայլի:
