Ադրբեջանի «Ժողովրդական ճակատ» կուսակցության անդամ Իսմայիլ Ռասուլովին, ով օգոստոսի 25-ին 30 օրով կալանավորվել էր հասարակական կարգը խախտելու համար, ժամանակից շուտ ազատ են արձակել, հաղորդում է haqqin.az-ը:
Ընդդիմադիր գործչին ազատարձակելու որոշումն ընդունել է դատական կոլեգիան՝ նախագահ Հասան Ահմեդովի նախագահությամբ:
Դատարանի որոշման դեմ բողոքը ներկայացվել էր օգոստոսի 29-ին: Ընդդիմադիր գործչի փաստաբան Ասաբալի Մուստաֆաեւը նշել է, որ պաշտպանական կողմը չէր սպասում, որ իր բողոքը կքննվի նման կարճ ժամկետներում: