Ադրբեջանի պաշտպանության նախարարությունը հերքել է լրատվամիջոցների տեղեկություններն այն մասին, որ իբրեւ տեղի ունեցած փոխհրաձգության հետեւանքով զինծառայող է զոհվել:
«Որոշ լրատվամիջոցներում հայտնված տեղեկությունն այն մասին, որ Շամքիրի շրջանից զորակոչված զինծառայող Գամբարով Վյուսալը զոհվել է թշնամական կողմի բացած կրակի հետեւանքով, չեն համապատասխանում իրականոթյանը»,- հայտնել է «Ազերի փրես» գործակալությունը՝ վկայակոչելով ԱՀ ՊՆ-ի հայտարարությունը:
Կատարվածի փաստով Ռազմական դատախազությունում քրեական գործ է հարուցվել, հիմա իրականացվում է հետաքննություն:
«Հերթական անգամ դիմելով լրատվամիջոցներին ՝ ՊՆ-ն հայտնում է, որ Զինված ուժերի մասին չստուգված ու պաշտոնական հաստատում չստացած տեղեկությունների տարածումը անթույլատրելի է»,- նշում է աղբյուրը:
Նշենք, որ որոշ լրատվամիջոցներ տարածել էին հաղորդագրություններ այն մասին, որ Նախիջեւանի զորամասերից մեկի զինծառայող Գամբարով Վյուսալը (1997 թ.ծնված), որը Շամկիրի շրջանի Տատարքենդ գյուղի բնակիչ էր, զոհվել է հայկական զինված ուժերի կողմից հրադադարի ռեժիմի խախտման հետեւանքով: