Առաջին գծի կատարելագործման աշխատանքները, տեսադիտարկման տեխնիկական սարքավորումներով հագեցվածության ուղղությամբ տարվող աշխատանքները սկսվել են դեռեւս 2013-ի վերջին, իսկ քառօրյա պատերազմից հետո այդ աշխատանքները միայն արագացվել են: Այս մասին, այսօր՝ օգոստոսի 31-ին, լրագորղների հետ զրույցում նշել է ՀՀ պաշտպանության նախարար Սեյրան Օհանյանը:
«Թող մեր ժողովրդի մոտ տպավորություն չստեղծվի, որ առաջնագծի կատարելագործման աշխատանքները տարվում են միայն քառօրյա մարտական գործողություններից հետո: Քառօրյա պատերազմը ցույց տվեց, որ պաշտպանական գիծը ինժեներական սարքավորումներով ամբողջ խորությամբ եւ ճակատով հագեցվածությունն ապահովում է ժամանակակից մարտական գործողությունների վարումը: Ուղղակի ինժեներական հագեցվածության ուղղությամբ աշխատանքները տարվել են այն տեղերում, որտեղ թեթեւակի փոփոխություններ են եղել,-ընդգծեց նախարարը:
Սեյրան Օհանյանն ասաց, որ տեսադիտարկման տեխնիկական սարքավորումներով հագեցվածությունը շատ մարտական գործողություններում կանխարգելիչ նշանակություն են ունեցել:
