Երեւանում ձերբակալված ՌԴ քաղաքացի Սերգեյ Միրոնովը լքել է Հայաստան: Այս մասին տեղեկությունը NEWS.am–ի թղթակցին հաստատել է իրավասու աղբյուրը:

Հիշեցնենք, որ անցած ուրբաթ Երեւանի օդանավակայանում ձերբակալվել էր ռուսաստանցի Սերգեյ Միրոնովը, որի նկատմամբ ԱՄՆ հարցմամբ միջազգային հետախուզում է հայտարարված: Ամերիկյան իշխանությունները ՏՏ ոլորտի մասնագետին կասկածում են զենքի առեւտրի մեջ:

Կենտրոն ու Նորք Մարաշ վարչական շրջանների ընդհանուր իրավասության դատարանը օգոստոսի 29-ին մերժել էր Սերգեյ Միրոնովին կալանավորելու ՀՀ Գլխավոր դատախազության միջնորդությունը: