Երեւանում սեպտեմբերին սպասվում է միջինը +20+21 աստիճան ջերմություն: Այսօր՝ օգոստոսի 31-ին, այս մասին լրագրողներին ասել է Հայհիդրոմետի օդերեւութաբանության կենտրոնի պետի տեղակալ Գագիկ Սուրենյանը: Այն մոտ է բազմաթիվ տարիների միջինին՝ հավելել է նա:
Հնարավոր է ջերմաստիճանի բարձրացում՝ ցերեկը մինչեւ +33+35 աստիճան: Սեպտեմբերի երկրորդ տասնօրյակում սպասվում է ջերմաստիճանի անկում, գիշերը՝ մինչեւ 8-10 աստիճան, որը եւս մոտ է վերջին տարիների միջին ցուցանիշին: Սեպտեմբերի ընթացքում տեղումները կլինեն նորմայի սահմաններում:
Եղանակային գրեթե նույնպիսի պայմաններ են սպասվում Արարատյան դաշտավայրում:
Սեպտեմբերի 1-3-ին Երեւանում երեկոյան սպասվում է կարճատեւ անձրեւ եւ ամպրոպ, 4-5-ին՝ առանց տեղումների եղանակ: Սեպտեմբերի 1-ին ցերեկը ջերմաստիճանը կլինի +31+33, գիշերը՝ +18+20 աստիճան: Սեպտեմբերի 2-3-ին՝ +29+31 եւ +16+18 աստիճան, 4-5-ին՝ +31+33 եւ 18+20 աստիճան: Սեպտեմբերի 1-3-ին երեկոյան հնարավոր է անձրեւ եւ ամպրոպ: