Հայաստանի ԱԻՆ-ում, այսօր՝ օգոստոսի 31-ին, ժամը 08.52-ին ահազանգ է ստացվել, որ Քաջարան-Մեղրի ավտոճանապարհի 3-րդ կմ-ին տեղի է ունեցել ավտովթար, կա տուժած. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Մ-2 ավտոճանապարհի Քաջարան-Մեղրի հատվածի 3-րդ կմ-ին բախվել են «MAN» մակնիշի 11B22510 համարանիշի (վարորդ Ս. Ռ., Իրանի Իսլամական Հանրապետության քաղաքացի) բեռնատարը եւ «Mercedes E320» մակնիշի 34 MV 647 համարանիի ավտոմեքենան (վարորդ՝ 53-ամյա Յ. Մ.):
Մինչ փրկարարների՝ կանչի վայր հասնելը «Mercedes E320» մակնիշի ավտոմեքենայի վարորդը հոսպիտալացվել է Քաջարան քաղաքի ԲԿ. բժիշկները տուժածի առողջական վիճակը գնահատել են միջին ծանրության:
Փրկարարները հոսանքազրկել են ավտոմեքենաները եւ փակել «Mercedes E320» մակնիշի ավտոմեքենայի գազի բալոնի փականը: