Գիտնականները պարզել են, որ Երկրագունդը կարող է կործանվել Արեգակի պատճառով: Նրանք հայտարարել են, որ դա տեղի կունենա, եթե Երկրագնդի էլեկտրամագնիսական վահանը չամրապնդվի: Այս մասին հայտնում է Informing-ը:
Գիտնականների խոսքով՝ Երկրագնդի վրա տեղի ունեցող մագնիսական հզոր փոթորիկների պատճառով կարող են ոչնչանալ բոլոր տեխնոլոգիական սարքերը, առաջին հերթին՝ կապի արբանյակները: Դա բազմաթիվ երկրներում խնդիրներ կառաջացնի ենթակառուցվածքների ոլորտում: Դրանից բացի, կենդանի ամեն ինչ աստիճանաբար կմահանա ճառագայթային տեղումների հետեւանքով:
Հետազոտողներն ուշադրություն են հրավիրում այն հանգամանքի վրա, որ մարդկությունը մագնիսական հզոր փոթորիկների ժամանակ արդեն իսկ խնդիրների է բախվում: Առայժմ դրա ազդեցությունն այնքան էլ շոշափելի չէ, սակայն Երկրագնդի մագնիսական վահանն ամեն պահի կարող է կործանվել, որից հետո այնպիսի խնդիրներ կառաջանան, որոնք մարդկությունն ի զորու չի լինի արագ լուծել, եթե նախապես չպատրաստվի:
Մասնագետները նախազգուշացնում են, որ մեր մոլորակի պաշտպանական միակ վահանը համարվող մագնիսական ոլորտն աստիճանաբար թուլանում է, ինչը տեղի է ունենում բեւեռների շարժման հետեւանքով: Գոյություն ունեցող գործոնները հաշվի առնելով՝ գիտնականները կոչ են անում սկսել էլեկտրամագնիսական արհեստական վահանի ստեղծումը: