News
Լրահոս
News
Հինգշաբթի
Մարտ 28
Տեսնել լրահոսը

Հայաստանի ազգային վիճակագրական ծառայությունը (ԱՎԾ) հրապարակել է 2016-ի հուլիսին «Հայաստանի սոցիալ-տնտեսական վիճակը» զեկույցը: Նախկինում ԱՎԾ հրապարակած նախնական տվյալներն արդեն իսկ թույլ էին տալիս հայրենական տնտեսության վիճակի որոշակի վատացման եզրակացության հանգել: 

Նախ նշենք, որ տարեկան կտրվածքով Համախառն ներքին արդյունքի (ՀՆԱ) աճը երկրորդ եռամսյակում կազմել է ընդամենը 1,5 տոկոս՝ նախորդ եռամսյակի 4,5 տոկոսի դիմաց: ՀՆԱ անկում է գրանցվել գյուղատնտեսության, շինարարության, առեւտրի ճյուղերում: Հուլիսին իրավիճակը չի լավացել. նշված ճյուղերում արտադրանքի ֆիզիկական ծավալը կրճատվել է: Դրան հավելվել է արդյունաբերական արտադրանքի արտադրության աճի նկատելի դանդաղումը՝ մինչեւ 2,8 տոկոս (հունիսին գրանցվել էր 8,9 տոկոս):

Հաշվետու ամսվա ընթացքում «ուշագրավ» իրավիճակ է ստեղծվել արդյունաբերության ոլորտում: Լեռնահանքային արդյունաբերության արտադրանքի եւ բաց հանքավայրերի մշակումների ֆիզիկական ծավալն աճել է 20,6 տոկոսով, իսկ ահա մշակող արդյունաբերության ֆիզիկական ծավալը 4,0 տոկոսով նվազել է: Արդյունքում արդյունաբերության ընդհանուր ցուցանիշի վրա այս ճյուղերից յուրաքանչյուրի ազդեցությունը հավասարապես է արտահայտվել՝ 2,8 տոկոսով: Սակայն առաջին ճյուղի դեպքում դրական նիշով, իսկ երկրորդի՝ բացասական: Վերջնարդյունքում համատեղ ազդեցությունը զրոյական է դարձել: Դա, սակայն, չի նշանակում, որ «զրոյացվել» են նաեւ մշակող արդյունաբերության խնդիրները:

Հուլիսին ըմպելիքների արտադրության ֆիզիկական ծավալը կրճատվել է 20,6 տոկոսով, իսկ ծխախոտի՝ 22,7 տոկոսով: Ինչպես հայտնի է, այդ ճյուղերի (ալկոհոլային ըմպելիքներ եւ սիգարետ) արտադրանքի զգալի մասն արտահանվում է: Այնպես որ, երկնիշ անկումը կապված է այդ ապրանքատեսակների արտահանման խնդիրների հետ:

Բացառված չէ, որ միաժամանակ նվազել է նաեւ այդ ապրանքատեսակների իրացումը ներքին շուկայում: Հուլիսին հանրապետության մանրածախ ապրանքաշրջանառության ֆիզիկական ծավալը տարեկան կտրվածքով նվազել է 6,4 տոկոսով: Ըստ որում՝ խանութների շրջանառությունը կրճատվել է 0,4 տոկոսով, իսկ, օրինակ, «առեւտրի այլ օբյեկտներում»՝ 28,3 տոկոսով: Նշված «այլ օբյեկտները» հիմնականում վառելիքի՝ բենզինի, դիզվառելիքի եւ սեղմված գազի վաճառքով են զբաղվում:

Ուշագրավ է, որ ավտոմեքենայի վաճառքի ֆիզիկական ծավալը (ներառյալ ավտոպահեստամասերի վաճառքը եւ վերանորոգման ծախսերը) ընթացիկ տարվա ընթացքում անշեղորեն աճում է: Հունվար-հուլիսին, օրինակ, վիճակագրական տվյալներով 12,5 տոկոսի աճ է գրանցվել, այդ թվում հուլիսին՝ գրեթե 30 տոկոսով:

Սմբատ Գրիգորյան

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը
«Հայփոստ»-ի գլխավոր գործադիր տնօրեն Արայիկ Աբրահամյանը խոսել է կատարված աշխատանքների, ֆինանսական և որակական ցուցանիշների...  
Այս պահին ԵԱՏՄ անդամ ենք, զուգահեռաբար ԵՄ և այլ շուկաների ինտեգրման ուղղությամբ ենք աշխատում. Թունյան
Քննարկումներ միշտ լինում են, Հայաստանը հաշվի է առնում բոլոր օգուտներն ու…
Դոլարի փոխարժեքը նվազել է. եվրոն նույնպես շարունակում է էժանանալ. Ռուբլին կայուն է
ԱՄՆ դոլարի փոխարժեքն այսօր՝ մարտի 28-ին, կազմել է…
«Այրում» գինիում գտել են սինթետիկ ներկանյութ ազորուբին. ՍԱՏՄ-ն Բելառուսից նամակ է ստացել
ՀՀ սննդամթերքի անվտանգության տեսչական մարմինն այսօր ստացել է Բելառուսի…
Պապոյանը շվեյցարացի գործընկերոջ հետ քննարկել է փոխգործակցության ընդլայնման հնարավորությունները
Էկոնոմիկայի նախարար Գևորգ Պապոյանը մարտի 27-ին ընդունել է Հարավային...
Սյունիքի, Լոռու, Կոտայքի, Գեղարքունիքի մարզերի 33 ազդակիր բնակավայրերին կհատկացվի ռոյալթիների 2 տոկոսը. Սանոսյան
2021 թվականին մեր մետաղական հանքերը բյուջե են վճարել 52 միլիարդ դրամ ռոյալթի, հիմա սա այդ 52 միլիարդի 2 տոկոսն է, և այսպես՝ ամեն տարի: Հաջորդ...
Ամենաշատ