ԱՄՆ եւ Թուրքիայի նախագահներ Բարաք Օբաման եւ Ռեջեփ Թայիփ Էրդողանը քարոզիչ Ֆեթուլլահ Գյուլենի արտահանձման հարցը կքննարկեն G20 գագաթաժողովում: Reuters-ի փոխանցմամբ՝ այս մասին հայտնել է Թուրքիայի նախագահի ներկայացուցիչը:
ԱՄՆ փոխնախագահ Ջո Բայդենն ընդգծել է, որ Միացյալ Նահանգները շահագրգռված չէ պաշտպանելու ցանկացած մեկին, ով իրենց դաշնակցին վնաս է պատճառել, եւ որ Վաշինգթոնը հեղաշրջման փորձի ժամանակ աջակցել է Թուրքիայի իշխանություններին:
Բայդենն ավելի վաղ հայտարարել էր, որ Միացյալ Նահանգները Թուրքիայի հետ համագործակցում է իսլամի քարոզիչ Ֆեթուլլահ Գյուլենի դեմ ապացույցների գնահատման հարցում: Նրա խոսքով՝ ԱՄՆ-ը շարունակում է Թուրքիայի հետ համագործակցել Գյուլենի վերաբերյալ նոր տեղեկություններ հայտնաբերելու ուղղությամբ. Թուրքիայի իշխանությունները Գյուլենին մեղադրում են ռազմական հեղաշրջման փորձի կազմակերպման մեջ:
