Գյուրմրիում սպանված Ավետիսյանների 7 հոգանոց ընտանիքի հարազատները ցանկանում են, որ նրանց տունը սրբատեղի դառնա։ Այս մասին այսօր՝ օգոստոսի 31-ին, լրագրողների հետ հանդիպմանն ասաց Ավետսիյանների դուստր Լուսինե Ավետիսյանը։
«Մենք ուզում ենք, որ սրբատեղի դառնա տունը, որովհետեւ գնալով փլվելու է, իսկ ես չեմ ուզում, որ հողին հավասարվի ամեն ինչ։ Էս տան մեջ սուրբ հոգիներ են։ Կուզենք բարերար գտնվի, որ տունը սուրբ օջախ դարձնի՝ փոքրիկ մատուռ կամ Ավետիսյաններին հիշեցնող թանգարան։ Եթե հնաարվորությունուն ունեն, թող դիմեն»,- ասաց Լուսինե Ավետիսյանը։
Ավետիսյանների տան հատակը փտել է, տեղ տեղ՝ քանդվել, խոնավությունից սնկեր են աճել հատակին։ Տան մեջ մինչեւ հիմա Ավետիսյանների արնոտ շորերն են, տունը զարդարված է ամանորյա զարդերով, տոնածառը՝ տան կենտրոնում։
