Հաքերները կարողացել են մուտք գործել ֆայլերի պահման Dropbox ծառայություն ու ստանալ 68 մլն օգտատերերի տվյալներ: Տվյալների արտահոսքի փաստն ընդունել է ընկերության աշխատակիցներից մեկը, որը չի ցանկացել հայտնել իր անունը, գրում է Motherboard –ը:
Նաեւ տեղեկատվական անվտանգության հարցերով մասնագետ Տրոյ Հանտն է իր կնոջ գաղտնաբառի օրինակով հաստատել այդ տեղեկությունների հավաստիությունը:
Օգոստոսի վերջին Dropbox –ը հայտնել էր, որ ընկերության համակարգերի վրա 2012-ին հարձակում է եղել: Սակայն ծառայության ներկայացուցիչները չէին նշել արգելաբացված հաշիվների ճշգրիտ թիվը:
Պարբերականի տվյալներով Dropbox–ի գաղտնաբառերի բազան չի վաճառվում «սեւ համացանցի» հիմնական առեւտրային հարթակներում: