Թուրքիայի նախագահ Ռեջեփ Թայիփ Էրդողանը ստորագրել է Թուրքիա–Իսրայել հարաբերությունների կարգավորման վերաբերյալ համաձայնագիրը։
Թուրքական Milliyet–ի փոխանցմամբ՝ Թուրքիայի նախագահի կողմից վավերացված համաձայնագրով իսրայելական կողմը պարտավորվում է Թուրքիայի կողմից բացված հատուկ հաշվեհամարին փոխանցել 20 մլն դոլար, որը որպես փոխհատուցում տրվելու է 2010 թվականին «Մավի Մարմարա» նավի գրոհի ժամանակ սպանված Թուրքիայի քաղաքացիների հարազատներին։
Նախատեսվում է առաջիկայում Իսրայելում Թուրքիայի դեսպան նշանակել։