Թուրքիայի մայրաքաղաքի կենտրոնում ահաբեկչական «Իսլամական պետությունը» վարձակած տարածքում 9–ից 17 տարեկան երեխաներին իսլամ է քարոզել։

Թուրքական Milliyet–ի փոխանցմամբ՝ Անկարայում ոստիկանության իրականացրած գործողությունների ժամանակ հետաքրքիր դեպք է բացահայտվել։ Պարզվել է, որ «Իսլամական պետությունը» Անկարայի կենտրոնում ամսական 4 հազար լիրայով (1400 դոլար) 5 հարկանի շենք է վարձակալել, որից հետո գովազդի միջոցով կարողացել հավաքել 30 երեխայի։

Հավաքված երեխաներին հիշյալ շենքում ԻՊ–ը ծայրահեղ իսլամ է քարոզել։ Աչքի է ընկել այն հանգամանքը, որ 30 երեխաներից 25–ը աղջիկներ են եղել եւ գիշերները մնացել են վարձակալած շենքում։