Х մոլորակը կարող է Ուրանը եւ Նեպտունը դուրս բերել Արեգակնային համակարգի սահմաններից, եզրակացրել են Ուորիքյան համալսարանի գիտնականները, հայտնում է Monthly Notices of the Royal Astronomical Society-ն:

Հետազոտողների տվյալների համաձայն, դա տեղի կունենա մոտավորապես յոթ մլրդ տարի անց, երբ արեւը սահմանային շիկացման կհասնի եւ կվերածվի կարմիր հսկայի: Այդ ժամանակ լուսատուն արդեն կկլանի Մերկուրիին, իսկ Երկրի վրա պայմանները նման կլինեն Վեներայի ներկայիս իրավիճակին, որտեղ կյանքն անհնարին է, հայտնում է Միր 24 հեռուստաալիքը:

Արեւի զանգվածը կնվազի, ինչի հետեւանքով կնվազի նրա գրավիտացիոն ազդեցությունը Յուպիտերի, Ուրանի, Սատուրնի եւ Նեպտունի վրա: Մոլորակներն աստիճանաբար  «կքոչեն» դեպի համակարգի ծայրամաս, որտեղ տեղավորված է   Х Մոլորակը: Գազային հսկաների հետ իններորդ մոլորակի փոխազդեցությունը կհանգեցնի դրանց Արեւային համակարգի սահմանններից   «դուրս մղման»: