Իրանն անհանգստացած է Սիրիայում Թուրքիայի ռազմական գործողությամբ: Այդ մասին հայտնել է ԻԻՀ-ի ԱԳՆ-ի պաշտոնական ներկայացուցիչ Բահրամ Կասեմին, հայտնում է Irna-ն:
Կասեմին ընդգծել է Սիրիայի ինքնիշխանությունը հարգելու անհրաժեշտությունը: «Չնայած այն բանին, որ տարածաշրջանի խաղաղասեր ժողովուրդները համարում են, որ ահաբեկչության դեմ պայքարը եւ տարածաշրջանում անվտանգության հաստատման ջանքերը կարեւոր սկզբունքներ են, դրանք չպետք է արդարացնեն երկրների ինքնիշխանության խախտումը», - ասել է նա:
Նրա խոսքով, Սիրիայի տարածքում Թուրքիայի ներկայությունը կհանգեցնի իրավիճակի հետագա բարդացման եւ անմեղ մարդկանց մահվան: «Թուրքական բանակը պետք է անմիջապես դադարեցնի ռազմական գործողությունները տարածաշրջանում», - ասել է Կասեմին:
