ԱՄՆ-ում հերքել են Ռուսաստանի պնդումներն այն մասին, որ հենց ռուսական ավիացիան է ոչնչացրել ԻՊ-ի քարոզիչ Աբու Մուհամմադ ալ-Ադնանիին: Ըստ ABCnews-ի՝ Պենտագոնի ներկայացուցիչը հայտարարել է, որ Ռուսաստանի պնդումները վստահություն չեն ներշնչում, մեկ այլ պաշտոնյա էլ դրանք «կատակ» է կոչել:
«Դա ծիծաղելի կլիներ, եթե չլիներ Սիրիայում ռուսական արշավի բնույթը»,- նշել է նա:
Ռուսաստանի ՊՆ-ն հաղորդել էր, որ զինյալների դիրքերի ուղղությամբ հարվածները, ինչի հետեւանքով սպանվել է ալ-Ադնանին, հասցրել են ռուսական Սու-34 ռմբակոծիչները: Ընդ որում, ռուսական կողմը պնդում է, որ հարվածը հասցվել է Մաարաթ-ում-Հաուշ շրջանում՝ Հալեպի հյուսիսում:
Ամերիկացիները հայտարարում են, որ ալ-Ադնանիին ոչնչացրել են Հալեպի Ալ-Բաբա շրջանի մերձակայքում, թիրախային հարվածների արդյունքում:
