Սոմալիում ՄԱԿ-ի գլխավոր քարտուղարի հատուկ ներկայացուցիչ Մայքլ Քիթինգը վճռականորեն դատապարտել է Մոգադիշոյի հյուրանոցների մեկի վրա ահաբեկչական հարձակումը, որի հետեւանքով 13 մարդ է զոհվել, ավելի քան 20-ը՝ վիրավորվել:
ՄԱԿ-ի ներկայացուցիչը ցավակցություն է հայտնել զոհերի ընտանիքներին եւ առողջություն մաղթել վիրավորներին:
Ականապատ բեռնատարը պայթել է Սոմալիի մայրաքաղաքի SYL հյուրանոցի հարեւանությամբ: Դեպքը տեղի է ունեցել նախագահի նստավայրից եւ դաշնային խորհրդարանից ոչ հեռու:
Պայթյունի պահին հյուրանոցում խորհրդարանի եւ կառավարության անդամների մասնակցությամբ հանդիպում է անցկացվել: Հարձակման պատասխանատվությունը ստանձնել է «Աշ-Շաբաաբ» ծայրահեղական իսլամական խմբավորումը: